Գրիգորյան Արտակ Սեյրանի, ծնվել է 2002 թվականի հունվարի 28-ին Արմավիրի մարզի գյուղ Դողսում: Գեղեցկադեմ տղան փոքր հասակում ճարպիկ էր ու աշխույժ: Դպրոցական տարիքում դասընկերների սիրելին էր, նրանց լիաթոք ծիծաղ պարքևող պատանին, դպրոցում սիրել է մաթեմատիկա առարկան, սակայն բարձր դասարաններում սպորտն էր իր տարերքը: 2020 թ հունվար-ապրիլ ամիսներին սովորել է Էջմիածնի ԴՕՕՍԱՖ ՍՊԸ-ն, գերազանց հանձնելով բոլոր քննությունները, ստացել է վարորդական վկայական, ձեռք բերելով վարորդի մասնագիտություն: 2020 թվականի հուլիսի 30-ին զորակոչվել է բանակ, ծառայության անցնելով Մեղրիի զորամասում: Բանակում եղել է կարգապահ, բանիմաց, աշխատասեր, ստացել է գովաբանություններ: Ուռալ մեքենայի վարորդ է եղել: Հոկտեմբերի 2-ին ներառվելով հրետանավորների վաշտում, Արտակը տեղափոխվել է Արցախ, գյուղ Իշխանաձոր, թեժ կռիվների է մասնակցել Ջաբրաիլում, Այգեհովիտում, Իշանաձորում, որի պաշտպանական մարտերի ժամանակ զոհվել է հոկտեմբերի 18-ի երեկոյան: ԴՆԹ հետազոտությունը հաստատվել է փետրվարի 5-ին, հուղարկավորվել է փետրվարի 9-ին հայրենի Դողս գյուղում: ՀՀ նախագահ Արմեն Սարգսյանի հոկտեմբերի 27-ի հրամանով հետմահու պարգևատրվել է Մարտական ծառայություն մեդալով:
Հպարտանում էր իր ծնունդով, Ջրականում անմահացած Արտակը այսօր դարձավ 20 տարեկան…
